العناية المكسفة بالشعر

بسم الله
احنا عندنا برنامج يومي
برنامج اسبوعي
برنامج شهري
تمام
اللبرنامج اليومي هو تسريح الشعر مرة يوميا
المرة دي هتكون بالليل قبل ماتنامي
خلاص سرحتي ....هتحطي كريم او زيت الشعر اللى متعوده تحطيه (انا افضل الكريم ) ولو لازم زيت تحطي بالضبط 4 نقط ...خلاص كده
طيب بعد كده هنعمل ايه .....هنلف شعرنا بقى طيب هنلفه ازاي
انا سمعت بنوتات كتير بتتكلم عن لف الطاقيه والبكر تمام كل ده كويس بس اللفه اللى احنا هنلفها النهارده مختلفه
وهي دي ان شاء الله اللي هنعود شعرنا عليها
احنا هنقسم شعرنا الى 6 او8 اجزاء حسب كثافته
مش هقول بالطول او بالعرض اللى يريحك وعلى حسب عدلة ايدك
هناخد كل جزء ونلفه كحكه
ماتتخضيش من شكل راسك بس صدقيني بعد ما تفكيه النتيجه مبهرة
والله العظيم ان الكلام ده مجرب

احنا كده خلصنا الي هنعمله بالليل تمام بعد كده بقى هنصحى الصبح وبعدين نفك شعرنا ومن غير ما نسرح او تسريح بسيط جدامجرد هتمشي المشط على شعرك هتلاقيه جميل جدا وممكن كمان تعمليه ديل حصان
بس مش من اول يوم هه
وتقريبا يبقى كده لمينا كل اللي المفروض نعمله يوميا بس فيه حاجه صغيرة نسيتها وهو انك لما تيجي تسرحيه بالليل تدلكيه بصوابعك بحركات دائريه 3 دقائق وده عشان تنشطي الدورة الدمويه في شعرك
البرنامج اليومي ده هتفضلي ماشيه عليه طول حياتك بس ما عدا الدهان
الشهر الاول دهان يوميا
الشهر التاني يوم ويوم
الشهر التالت مرتين بالاسبوع
بدايه من الشهر الرابع هيبقى ده بروجرام حياتك هتمشي عليه طول عمرك هو انك تدهني شعرك مرة واحده بالاسبوع بعد غسل الشعر
من افضل كريمات الشعر
كريم جي كازانوفا
كريم دابر فاتيكا
كريم بالمرز (بس بيخلي الشعر يلزق في بعضه) بس هو حلوبيغذي ويطري اوي
ومن افضل زيوت دهان الشعر على الاطلاق هو
زيت السمسم (رهييييييييييييب)
وبعديه زيت جوز الهند (ريحته جميله)
في حاجه كمان عايزة اقولها في البرنامج اليومي
هو انك لازم لازم يوميا هتفكي شعرك خالص وتسيبيه وتخلعي منه اي توكه او بنسه
حتى لو نص ساعه في اليوم حتى لو شعرك خشن جدا انتي ممكن تعملي كده وانتي لوحدك في اوضتك بس عشان الشعر يتنفس
وبكده خلصنا البرنامج اليومى

نيجي بقى على البرنامج الاسبوعي وهو غسل الشعربس بما اننا في برنامج عنايه مكثفه يبقى احنا بدايه هنغسل شعرنا مرتين بالاسبوع وده في اول شهر اما باقي الشهور هنغسل شعرنا مرة واحده بس بالاسبوع
بدايه كده قبل ما تغسلي شعرك هتفكيه وتسرحيه لازم الشعر يتسرح قبل الغسيل
بعد ما تسرحيه هتعملي ماسك واحد من الاتنين دول
ماسك قنبله هتدمر اي حمام كريم عندك
وده واحد من مواضيعي واحب استاذن لواء اركان قسم الشعر حبيبة قلبي فتاة الكهف تحط اللينك بتاع الموضوع هنا لاني مش عارفه احطه

http://forums.fatakat.com/thread577281

او نستعمل الماسك التاني اللي هو
خلطة العمر الفتاكه (الجزء التاني) واللي كاتباة فتاة الكهف جزاها الله كل خير
وبرضه ياريت اللينك يكون موجود

http://forums.fatakat.com/thread442683

هنعمل واحد بس من الاتنين اللي فوق دول وده هيكون مرة في الاسبوع
واحنا اتفقنا اننا هنغسل شعرنا اول شهر مرتين في الاسبوع
طيب المرة التانيه هنعمل حمام كريم او زيت عادي جدا عشان برضه ما تبقاش الوصفات تقيله ع الشعر
من احسن حمامات الكريم
ليه كارتييه ...جميل جدا
بوناويل
بايو بوينت بالنخاع
ومن احسن حمامات الزيت
حمام زيت الزيتون +زيت حبة البركه
حمام زيت الزيتون لوحده
حمام زيت الزيتون +زيت الذرة

هنيجي بقى لكيفية غسل الشعر
حضرتك هتدخلى الحمام ومعاكي المشط بتاعك وهتسيبي الميه على شعرك وتتاكدي كويس ان كل الخلطات العجيبه نزلت من شعرك
بعد كده تجيبي المشط وتبداي تسرحي شعرك لورا عشان تتاكدي ان مفيش اي حاجه هتفضل في شعرك من الماسك او الكريم
على فكرة انتي كده بتنضفيه وكمان بتنشطي الدورة الدمويه
تاني حاجه هتعمليها مرحلة الشامبو او صابون النابلسي
مفيش مشكله بس لو هتستعملي الشامبو يبقى تجيبي طبق وتحطي فيه الشامبو وتخففيه بميه وبعدين تحطي على شعرك
وتغسلي مع التدليك بحركات دائريه
كده احنا خلصنا غسيل الشعر
ماتعصريش شعرك خالص عشان يتصفى ما تلفيهوش اوي كده الحركه دي بتقصف الشعر
انتي هتمسكي شعرك كله وهتطغطي عليه مرتين هتلاقي الميه كلها وقعت وبعدين هتمسكي الفوطه وتمرريها بالراحه على شعرك لغاية ماتحسي انه نشف
دلوقتي انتي شعرك نشف هندهنه بكريم او زيت ونلفه (البروجرام اليومي العادي)
احنا كده خلصنا البرنامج الاسبوعي
احنا كده انتهينا من البرنامج اليومي والاسبوعي
دلوقت بقى هنعمل البرنامج الشهري وده هيكون في ايام 13 و14 و15 من كل شهر عربي
انا اقصد ايام اكتمال القمر
هتقصي اطراف شعرك (حتى لو شعرك قصير ) قصي ان شالله حتى سنتي واحد
وتحطيهم في كيس وتتخلصي منهم بالحرق او الدفن وتتصدقي على شعرك بنيه ان ربنا يخلصك من كل اللي فيه وتذكرو ايضا
(داوو مرضاكم بالصدقه)